4Вард е основан во 2005 како партнерска фирма.  4Вард започна како мала компанија со големи идеи и за кратко време успеа да најде начин да ги понуди своите иновативни решенија на пазарот. Водени од идејата за спој на естетика и техничка супериорност започнавме со развој на два сектора  – графички дизајн со DTP и софтверско инженерство. Првично изработувавме веб страни и DTP услуги за неколку македонски клиенти. Нашата работа се докажа како многу успешна и за кратко време започнавме со работа на поголеми проекти за домашни и интернационални клиенти.

4Вард се етаблираше на Македонскиот пазар како почитуван партнер на големи компании во приватниот, невладиниот и владиниот сектор. Следуваа интернационални маркетинг кампањи, повеќе тендери од проекти финансирани од ЕУ, со што ги докажавме високите стандарди на услугите кои ги нудиме.

Работиме на дизајн на корпоративен имиџ и развиваме веб сајтови и веб базирани апликации за клиенти од цела Централна и Југоисточна Европа и САД. Нашите дизајни за рекламни огласи се објавени во над 50 интернационални магазини и весници како: Businessweek, The Economist, New York Times, Daily Telegraph, Die Presse, Wall Street Journal, и International Herald Tribune.

Во текот на своите 4 години постоење, 4Вард континуирано го зголемува бројот на клиенти како и на вработени. Во 2007 се преселивме во нови простории целосно опремени со најнапредна опрема. Идејата за “4Ward thinking...” (напредно размислување) во секоја област од секогаш била, е и ќе биде водечка сила во сите аспекти на развојот на компанијата.

Денес главните активности на 4Вард се состојат од ИКТ консултации и софтверско инженерство. Пораснавме во компанија со над 100 домашни и интернационални клиенти, 15 вработени и канцеларија комплетно опремена со модерна инфраструктура. Го создадовме нашиот прв производ eazyio CMS  кој е има над 100 имплементации. Се стекнавме со големо искуство во областа на развој на софтверско инженерство, ICT развој и консултации, графички дизајн и  адвертајзинг.